Sabtu, 27 Julai 2013

APO MONDO EH NI?



Hamba pasti ramai anak mudo Generasi Y hari ni tak konal dongan mondo yang tersangkut kek ateh sebuah kodai ni. Kok sekali tengok cam timbo telago yo ghoman eh. Jaman 80an maghin mondo ni cukup banyak digunokan kek kodai-kodai runcit. Sehinggolah apobilo mesen wang diperkonalkan dongan meluas dan pekodai pun dah mampu moli mondo tu, mako tin yang macam kek dalam gambar ni pun tak laei digunokan. Apo kelas yo tak kok kodai godang macam teskoh atau jayen, tompi tompek simpan duit mokyang koman eh.
Yo, inilah tompek nyimpan duit pekodai jaman dulu. Cukup pakai tin bosa yo. Tak kigholah tin apo pun, melo ko, tin susu ko jajnji saiz eh bosa. Kok tin susu cap junjung tu nak menasabah pulak ekau nak buek simpan duit. Kok takat duit bosi buleh la. Tin duit ni disangkut kek tompek tinggi disambungkan dongan tali yang diikek dongan pemboghek. Kok nak nyimpan atau amik duit, taghik ajolah mondo ni ko bawah. Dah sudah lopeh an yo, pandailah dio naik ke dateh balik.
Ekau kok bukak kodai sok nak pakai tak tompek nyimpan duit camni?

Tiada ulasan:

Catat Ulasan

TRAGEDI LIMAU PAHIT

  Tragedi Limau Pahit adalah tulisan pertama hamba yang tersiar dalam majalah Ujang keluaran 1 November 1996. Zaman ini hamba menulis tangan...